O Porto actualmente está unido á autoestrada do Atlántico por un ramal da estrada nacional 640 de Chapa a Carril de 7 km de lonxitude, comunicando así coas comarcas máis activas de Galicia: A Coruña, Santiago, Pontevedra e Vigo. A través da autoestrada do Atlántico o porto está conectado con toda España e Portugal polas súas mellores estradas.

As obras do novo acceso que comunicará directamente o Porto coa autoestrada do Atlántico están previstas que comecen a finais do 2003.

Vilagarcía de Arousa está unida co resto de España por ferrocarril de vía ancha a través de Santiago de Compostela coa liña Zamora-A Coruña, e por Pontevedra e Redondela coa liña Vigo-Madrid.