O Porto de Vilagarcía quere mostrarse a través desta web tal como é hoxe: Un porto vivo e dinámico, que trata de cumprir coa súa función esencial de plataforma intermodal entre os transportes marítimo e terrestre e solución loxística de recepción e distribución de mercadorías nunhas condicións óptimas para os usuarios máis esixentes.

A páxina principal desta fiestra informática permite localizar axiña a quen a visite toda a información que busca sobre o Porto de Vilagarcía, e aceder ao seu contido sen a menor distorsión, grazas a un deseño áxil e limpo que invita ao seu uso frecuente.

A través desta web, o Porto de Vilagarcía quere achegarse máis e mellor a todos os seus clientes e usuarios; investigadores e curiosos. Esta acesibilidade, con información actualizada en tempo real, ten sen dúvida unha importancia esencial para as relacións comerciais altamente competitivas que, hoxe máis que nunca, caracterizan o transporte de mercadorías e pasaxeiros.

De aí xustamente, o interese do Porto de Vilagarcía por manter sempre activo este soporte tecnolóxico destinado a recoller as demandas, atender as xestións e, en definitiva, responder ás necesidades empresariais, loxísticas e comerciais de operadores, usuarios, clientes e público en xeral.

Grazas pola súa visita.

Javier Gago López
Presidente da Autoridade Portuaria