 |
A Intervención Xeral da Administración do Estado (IGAE) remitiu á Autoridade Portuaria de Vilagarcía o informe provisional sobre as contas anuais de 2008, no que non se realizan obxeccións nin correccións ás citadas contas, indicándose que no desenvolvemento do traballo do equipo de auditores "non existiu ningunha limitación na aplicación das normas e procedementos de auditoría".
O informe da IGAE sinala que "as contas anuais da Autoridade Portuaria de Vilagarcía de Arousa correspondentes ao exercicio 2008 representan en todos os aspectos significativos a imaxe fiel do patrimonio, da situación financeira, dos resultados, dos cambios no patrimonio neto e dos fluxos de efectivo da entidade e conteñen a información necesaria para a súa interpretación e comprensión adecuada, de conformidade coas normas e principios contables que son de aplicación".
Ademais, púidose verificar que o informe da propia Autoridade Portuaria sobre as súas contas anuais elaborouse "de acordo coa normativa reguladora e que a información contable que contén concuerda coa das contas anuais auditadas".
Cabe recordar que as contas da Autoridade Portuaria arroxan un resultado, para o exercicio de 2008, de 2.150.998,12 euros, polo que se pode concluír "que o exercicio foi satisfactorio e que os resultados do mesmo están avalados polo informe provisional da IGAE", en palabras do presidente da institución, Javier Gago. |
|
